Manyly ömrüniň 36 ýylyny ýa-da bütin zähmet ýoluny ülkämiziň gaz senagaty ulgamynyň dürli edara-kärhanalarynda zähmet çekmeklige bagyşlan tejribeli hünärmen Agajan Mapbakowyň ýetginjeklik ýyllary Mary welaýatynyň çägindäki baý gory bolan Gündogar hem-de Günbatar Şatlyk gaz käniniň ýokary depgin bilen özleşdirilip başlanan ýyllaryna gabat gelipdi.
Bu ýigide tutumly işleri günde-günaşa synlamak miýesser edýärdi. Munuň özi Agajanyň kalbynda şu ugurdan ýokary bilim alyp, gazçynyň hünärine eýe bolmak arzuwyny döretdi.
