Nebit önümçiliginde, ýagny çig nebitiň çykarylyşynyň depginini talap edilýän ýokary derejede saklamak üçin üns merkezinde saklamaly wajyp meseleleriň biri ulanyş guýularynyň ählisiniň hereket etmegi bolup durýar. Dürli sebäplere görä wagtlaýyn hereket etmeýän guýularda gaýragoýulmasyz şertlerde degişli abatlaýyş işlerini geçirip, ulanyşa girizmek talap edilýär.
Häzirki wagtda «Türkmennebit» döwlet konserniniň «Nebitgazçykaryş» trestinde hereket edýän 5 sany Ýöriteleşdirilen guýulary düýpli abatlaýyş hem-de «Nebitdagnebit», «Gumdagnebit», «Gamyşlyjanebit» we «Keýmir» nebitgaz çykaryş müdirlikleriniň düzüminde jemi 57 sany guýulary düýpli abatlaýyş toparlary bar.
