«Nebitgazylmytaslama» instituty ýurdumyzda baýry nebitgaz ylmy-barlag we taslama-gözleg instituty bolmak bilen, onuň döredilenine 70 ýyldan gowrak wagt geçdi. Ol ýurdumyzyň nebitgaz senagatynda ylmy derňewleri, seljermeleri, barlaglary, oýlap tapyşlary hem-de ylmy hasabatlary, taslamalary önümçilige ornaşdyrýan, nebitgaz senagatynyň häzirki ýagdaýyny, geljekdäki ösüş ýollaryny kesgitleýän «Türkmennebit» döwlet konserniniň nebit we gaz çykarmak baradaky döwlet borçnamalarynyň ýerine ýetirilmegi üçin saldamly goşant goşýan ylmy edaradyr.
Berkarar döwletimiziň bagtyýarlyk döwründe «Türkmennebit» döwlet konserniniň «Nebitgazylmytaslama» instituty hormatly Prezidentimiziň ýangyç-energetika syýasatyny we Türkmenistanda ylym ulgamyny kämilleşdirmek hakyndaky Kararyny uly ruhubelentlik we buýsanç bilen goldap, olary üstünlikli durmuşa geçirmek maksady bilen institutyň öňünde durýan wezipeleri talabalaýyk ýerine ýetirmek we göwnejaý ýola goýmak üçin degişli işleri geçirýär.
