«Türkmengaz» döwlet konserniniň iri önümçilik düzümleriniň biri bolan «Marygazçykaryş» müdirliginiň gazçylary döwletimiziň hemişelik Bitaraplygynyň şanly 25 ýyllyk toýuna hem-de hünär baýramçylygyna — Nebitgaz senagaty we geologiýa işgärleriniň gününe gaz känlerinden «mawy ýangyç» çykarmak boýunça aýma-aý gazanýan zähmet üstünlikleri bilen barýarlar.
Gazçylaryň gazanýan ýokary önümçilik netijelerinde müdirligiň Durmuş taýdan dolandyryş edarasynyň suw, bug üpjünçilik sehiniň kärhanalarynyň işgärleriniň hem mynasyp paýy bar. Şu sehe degişli suw desgalarynyň işgärleri müdirligiň gaz känleriniň desgalaryny, olaryň önüm berýän guýularyny, şol ýerlerde işleýän zähmet adamlaryny arassa suw bilen bökdençsiz üpjün etmek üçin gije-gündiz tutanýerli iş alyp barýarlar.
