Energetika Hartiýasyna Şertnamany (EHŞ) döwrebaplaşdyrmak boýunça halkara gepleşikleriniň üçünji tapgyry tamamlandy, olar Brýusselde (Belgiýa) Energetika Hartiýasynyň Sekretariaty tarapyndan wideokonferensiýalar görnüşinde geçirilýär. Ozal habar berlişi ýaly, gepleşiklere EHŞ-niň agza ýurtlarynyň, şol sanda Türkmenistanyň, şeýle hem Ýewropa Komissiýasynyň hem-de beýleki birnäçe halkara guramalarynyň wekilleri gatnaşýarlar.
Noýabr aýynda geçirilen onlaýn duşuşyklarynyň çäklerinde bilermenler energetika düzümine goýulýan maýalary goramak, sebit ykdysady birleşmesini döretmek, şeýle hem energetika ylalaşyklaryna we taslamalaryna gatnaşýan döwletleriň, maýadarlaryň we beýlekileriň arasynda ýüze çykýan jedelleri çözmek üçin halkara-hukuk guralyny döretmek bilen bagly bolan meseleleriň giň toparyna seretdiler.
